සැඳෑ අඳුර ලොව ගලන වෙලාවට

සැඳෑ අඳුර ලොව ගලන වෙලාවට
කවුළු පියන් පත් වැසෙන වෙලාවට //

දහසක් දොම්නස් සිහින පවුරු මැද
තනිවුන ඔබේ සුසුමන් සෙමෙන් විත්
මගෙ සවනත පාරයි

තෙරක් නොමැති සිතුවිලි සයුරක් මැද
සරන විටදි රැය ගෙවෙන තුරාවට //
මහද සෙනෙහි ඔරුවේ නැගි ඔබ
එතෙර වන්න නිබදේ
නිදි ලොව වෙත එතෙර වන්න නිබදේ

නිමල පැතුම් සපුරා ගෙන හද තුල
සිහින ලොවෙන් නෙත හැරෙන වෙලාවට //
අරුණළු නැගෙනා පැයේ කුසුමක් වෙමි
ජීවන මල් ගොමුවේ
ඔබේ ආදර ජීවන මල් ගොමුවේ

ගායනය සෝමතිලක ජයමහ

දෙනුවර මින්පසු එක නුවරක් මෙනි

දෙනුවර මින්පසු එක නුවරක් මෙනි 
ඔබෙ හදවත මහදෙහි සෙවනැල්ලකි 
යලි හෙටදිනයෙත් අපි  හමුවන්නෙමු 
අපි සක්විති රජ කිරුල පැලැන්දෙමු // 

ලින්තොට ගන්තොට ආදි තැනේයා 
මල්මද බිසවුනි ඔබ හමුවූවා 
සෙනෙහස් අරුනලු කිරන ගෙනාවා 
නොදනිමි ඔබ මගෙ හද වෙත ආවා 

දැහැනකි ඔබ මගෙ හදවත බන්දන 
සෙනෙහස මිතුරෙකි දුක් ගිනි සින්ඳන 
දිනයක් එලබෙනු ඇත මන නන්දන 
අසිරිය මල් මද සිරිකත කැන්දන 

ගායනය : සෝමතිලක ජයමහ / පුන්‍යා කත්‍රිආරච්චි 
පද : සෝමතිලක ජයමහ 
තනුව : සෝමතිලක ජයමහ