මාගේ වියෝවෙන් ඈ කල්පනාවෙන්

මාගේ වියෝවෙන් ඈ කල්පනාවෙන්
ඈගේ මුවේ නෑ දැන් සිනා
මගේ යැයි පැතූදේ
සිඳී බිඳී ගියාවේ
සිනාසී හඬා වෙන් උනේ

මා එතැයි කියා සිතා සිටින්නෙපා
වෙනින් කෙනෙක් සොයා
හොදින් සිටින් ඔයා
ඈ කීව දේවල් මැවූ පෙම්කතාවල්
නිවීලා නැසීලා ගියා සේ
සඳයි තාරකාවයි
ඉරයි නිල් වලාවයි
මෙලෝකෙන් මැකීලා ගියාවේ


මා එතැයි කියා සිතා සිටින්නෙපා
වෙනින් කෙනෙක් සොයා
හොදින් සිටින් ඔයා
ඈ කීව දේවල් මැවූ පෙම්කතාවල්
නිවීලා නැසීලා ගියා සේ
සඳයි තාරකාවයි
ඉරයි නිල් වලාවයි
මෙලෝකෙන් මැකීලා ගියාවේ

ගායනය ක්ලැරන්ස් විජේවර්දන 

මගේ සතුට ඔබ මිස නැත වෙන

මගේ සතුට ඔබ මිස නැත වෙන

ලයේ සොඳුරු සිතුවිලි පිබිදුන

එහා ලොවේහී තනිවුනු අද දින

සදා සිතමී සැනසෙන ඔබ් ගැන


මගේ රහස හදවත තුල දැවේ

මලේ බඹරු මොනවද පැවසුවේ

සිනා දෙතොල සිහියට එන වෙලේ

ඔබේ මුහුන මට අමතක නොවේ


සදා සොඳුරු සිතුවිලි සිත පුරා

සඳේ සිසිල ගත සිත ඇත අරා

නෙතේ රැඳුනු බැල්මෙහි නැත නුරා

මගේ පැතුම එනු ඇත ඔබ කරා


ගායනය : ක්ලැරන්ස් විජේවර්දන

රට රකින ජීවිත රකින

රට රකින ජීවිත රකින අභිමානවත් මුරදේවතා

යෝධ බල වෙර විරිය ලැබගෙන මවුබිමට මගෙ වාසනා

විපුල දිරියෙන් විදුල විරියෙන් දිනේවා මුරදේවතා

ආයු රක්ඛන්තු ආවඩා..ආයු රක්ඛන්තු ආවඩා..

රන් රිදී මිලමුදල් කහවණු යසඉසුරු ළඟ අතනොපා

ඔබ රකින රට මාතෘභූමිය අගී ස්වර්ගයටත් වඩා..  අගී ස්වර්ගයටත් වඩා..

චිරං ජීවතු චිරං ජීවතු ආයු රක්ඛන්තු ආවඩා..

පවුරු ජන සිවු දිගින් වටකළ සමුදුරේ ගොස පරදවා

ඔබ නගන ජයගොසින් මවුබිම සිනාසෙන්නී රෑදිවා... සිනාසෙන්නී රෑදිවා...

චිරං ජීවතු චිරං ජීවතු ආයු රක්ඛන්තු ආවඩා..

රට රකින ජීවිත රකින අභිමානවත් මුරදේවතා

යෝධ බල වෙර විරිය ලැබගෙන මවුබිමට මගෙ වාසනා

විපුල දිරියෙන් විදුල විරියෙන් දිනේවා මුරදේවතා

ආයු රක්ඛන්තු ආවඩා..ආයු රක්ඛන්තු ආවඩා.......

ආයු රක්ඛන්තු ආවඩා..ආයු රක්ඛන්තු ආවඩා.......

හඬන්න ලංව ඇති ඔබේ නුවන් පුරා

හඬන්න ලංව ඇති ඔබේ නුවන් පුරා
ඇඳෙන්නෙ ජීවිතේ කතාවදෝ
හෙලන්න බැරිව ලතවෙනා සුසුම් සදා
කියන්නේ ජීවිතේ මුලාවදෝ

තරු ඇසක් ඇරී උදා ගිරේ
පෙම් මලක් මුවින් හිනා නැගේ
තරු ඇසේ කතා මියේද
පෙම් මලේ හිනා මකේද
මේ වෙනස දෝ ආදරේ

සඳ රැසින් වැටී සුනිල් ගිරේ
කුමුදු මල් දෙතොල් විදා පිපේ
හිරු ඇවිත් දෙතොල් දවාද
එ දුකත් වසන්වයාද
මේ අරුම දෝ ආදරේ

පද : බන්දුල නානායක්කාරවසම්
ගායනය : එඩ්වඩ් ජයකොඩි

සෝක සැනසුම් වේදනාවන්

සෝක සැනසුම් වේදනාවන් 
ආදරේ පුරවාගෙනා 
ඈගේ නිලුපුල් දෑසෙ කඳුලැල් 
ජීවිතේ මතු වාසනා 

වීනාවෙ තත් මැද ගී ගයන්නෙ 
ඈ සෙනේ හද මිහිර මවා 
රන් කෙහෙලි බඳිමින් මග සරසන්නෙ 
ජීවන ගමනේ  පිහිට පතා 

මා සිහින් විමානේ පැතුම් තටාකේ 
ආදර කුසුමන් පිපී තියේ 
සනසීම හෝ වැනසීම ඔබගේ 
ඔය නිල් දෑසේ රැඳි තියේ 

ගායනය : වික්ටර් රත්නායක 

සුවඳ මල් රේනු පිස එන

සුවඳ මල් රේනු පිස එන 
හාදු දෙන සිහිල් මද නල 
නුබට සමානා 
කුරුලු තුඩු අගුන් ගිලිහෙන 
මිහිරි මියුරු  ගී පද වැල 
නුබේ සිනාවා 

සීත පිනි වදුල සඳවත 
මෝදු වී නිශා නුබ ගැබ 
අඳුර මකාවා 
නීල විල් දියේ උපදින 
කොඳ මලක සුමුදු තලපෙති 
කොපුල් තලාවා 

සුවඳ මල් රේනු පිස එන .... 

අරුනු දුරකඩින් නැග එන 
උදා හිරු කිරන හදවත 
පුබුදු කරාවා 
නොබා කරලියට දිව යන 
හදට පන පොවන කුල්පත 
නුබේ සිනාවා 

ගායනය : ඉමාන් පෙරේරා 

සුදු ඇත් පොව්වෙක්

සුදු ඇත් පොව්වෙක් සුදු පියුමක් ගෙන පැදකුනු නොකලත් මා සිරි යහනේ 
පෙරුම් පුරා මා කුසට පැමිනි බිලිඳු මට රජ පැටියෙක් 

හංකිති  කවමින් කුස තුල සක්මන් කරනාඅ
නුබ දඟයකු වේ යැයි නිකමට මෙන්  මට සිතුනා 
පැටියෝ ..... 
නුබ දුවක උනත් මට  පුතෙකු උනත් 
නුඹ හිස පලදන්නේ වෙනසක් ඇති එක  
ආදරයයි ආදරයයි ආදරයයි 

කුස තුල දැරුවැයි මතු බුදුවන පැතුමන් නැහැ 
ලේ කිරි කර පෙව්වැයි  උදම් අනන්නට රිසි නැහැ 
පැටියෝ .... 
නුබ දුවක උනත් මට  පුතෙකු උනත් 
මම නුඹට පුදන්නේ සැබෑම දිදුලන 
ජීවිතයයි ජීවිතයයි ජීවිතයයි 

ගායනය : නිරෝශා විරාජිනී 
පද : බන්දුල  නානායක්කාරවසම් 

 මගේ අම්මා ඇතුලු දහස් සංක්‍යාත ලෝකවාසි අම්මා වරුන්ට ආදරයෙන් 

සිනා පිපෙන මේ වසන්තය

සිනා පිපෙන මේ වසන්තය නෙල දෝතින් මලක් සේ 
මගේ ලොව වෙත ඔබයි ගෙන ආවෙ 
සිනාසේ ඔබයි ගෙන ආවේ 
වසන්තය මලක් සේ 

නිබඳ සුවඳයි ඔබ් නිසා මට 
ගම මැදින් හමනා පවන සිහිලැල් 
ගම් දොරින් පිටමං නොවේවා
නැවුම් සුහුඹුල් යෞවනේ හස‍රැල්

සිනා පිපෙනා...

නිසල සිතුවිලි සසල තුරුලිය
අතර තනිවෙමි ඔබ නිසා සතුටින්
අහස සමුදුර වැළඳ සැනසෙන
තැනක සගවමි හද සෙනේ සුසුමින්

සිනා පිපෙනා...//

ගායනය : සමිතා මුදුන්කොටුව සමඟින් ලක්ෂ්මන් විජේසේකර
සංගීතය : ලක්ෂ්මන් විජේසේකර 
පද රචනය : කුමාරදාස සපුතන්ත්‍රි

විභාගෙ විභාගෙ එහෙ බැලුවත් විභාගෙ මෙහෙ බැලුවත් විභාගෙ

විභාගෙ විභාගෙ 
එහෙ බැලුවත් විභාගෙ 
මෙහෙ බැලුවත් විභාගෙ 
විභාගෙ තමයි අපේ අභාගේ ....// 

විහිලුවකට හිනාවකට විනෝදෙකට වෙන වැඩකට ....// 
නෑ වෙලාව විභාගේ... //
එකේ ඉඳන් දොලහ දක්වා ලොකු පොඩි හැම පන්තියකම 
ඇතෙක් බරට විභාගේ ...// 
ඉරක් හඳක් ගහක් කොලක් මනුස්සයෙක් පෙනෙන්නෙ නැහැ 
ඔහු සැප දුක අහන්න් නැහැ 
කන්නෙ බොන්නෙ අඳින්නෙ නැහැ 
විභාගේ ................

අම්ම තාත්තා අයිය අක්කා නංගි මල්ලි විතරක් යෑ 
නැන්දා මාම බාප්පා මහප්පා යහලුවො යෙහෙලියෝ අහල පහල අය 
කොහොමද ලමයෝ විභාගේ? 
තව සුමානෙකින් ප්‍රතිපල එයි 
කොහොමද විභාගෙ ප්‍රතිපල ?
ප්‍රතිපල ප්‍රතිපල ප්‍රතිපල ප්‍රතිපල 
බස් එක කෝච්චියේ පාර තොටේ 
යන එන හැම තැන කොහොමද ප්‍රතිපල // 
විභාගෙ ප්‍රතිපල වසංගතේ 

ඒ විතරක් යෑ 
විද්‍යා විශයද කලාවද? 
කලාව කිව්වොත් මලා වගේ 
චී චී චී ලැජ්ජ නැද්ද? 
අපේ එකෙක් කලාව කරන්න 
කවුද උබ දිහා බලන්නේ 
විද්‍යාවයි ගනන් ගන්නේ 
අඩු ගනනේ වානිජ වත් 
ඉතින් පුතේ නම්බුවක් නෙ 
ෆේල් උනත් විද්දියාවෙන් විභාගේ කොරලා 

සෝමලතා සුභසිංහ මහත්මියගේ විකෘති වේදිකා  නාට්‍යයෙන් 

ලංඳ දිගේ හැංගි හොරා සැඳෑ කාලයේ

ලංඳ දිගේ හැංගි හොරා සැඳෑ කාලයේ 
රැන්දු සිනා ඇයිද මෙසේ මැකීලා ගියේ 

දෑත දරා පෙරදා කීව කතාවේ 
දෑස රැඳී තාම බැඳීලා 
සීත රැයේ හඬනා දෑස ගියාවේ 
ඈත ඔබේ ලෝකෙ සොයාලා 

පාලු රැයේ මුමුනා ගීත ගැයේවා 
පාලු සිතේ ශෝක නිවාලා 
ජීවිතයේ තනිවී දෑත රැඳේවා 
ආයෙ ඔබේ දෑතෙ බැදීලා 

ගායනය : නන්දා පතිරන